Færni til framtíðar - Upplýsingasetur um lausnaleitarnám

Þú ert hér

Við byrjum á því að. . .

hugsa um hvers konar nemendur við erum með og hvaða áhugamál þeir hafa
hvað námsefnið hefur að geyma - sérstaklega þá staði eða svið þar sem vandamál eru fyrir, þar sem taka þarf ákvarðanir; staðan er flókin, t.d. ágreiningur eða sérstakt ástand er í gangi
sérstök hugtök eða hugmyndir í námsefninu sem reynst hefur erfitt að kenna með hefðbundnum kennsluaðferðum

Við finnum vandamál með því að. . .

hugleiða raunveruleg vandamál sem tengjast námsefninu
lesa dagblöð, tímarit, bækur og skoða Internetið
horfa á sjónvarp, kvikmyndir og hlusta á útvarp
fylgjast grannt með því sem efst er á baugi á viðkomandi stað hverju sinni - sérstaklega í skólanum okkar og borg eða bæ eftir því hvað við á
aðlaga eða umsemja vandamál sem aðrir kennarar hafa þegar notað
búa til vandamál úr einhverju sem notað hefur verið áður [verkefnum, prófum]

Við veljum vandamál sem . . .

hafa tilgang
við höldum að veki áhuga og virkni nemenda okkar
eru af hæfilegri stærð tímalega séð
sem hægt er að rannsaka með ráðum sem mögulegt er að nálgast og nemendur geta nýtt sér

Við mótum vandamálið sem við völdum með því að . . .

búa til nokkra uppdrætti eða skissur með mismunandi aðstæðum eða hlutverkum sem nemendur geta tekið að sér
velja sérstakt ástand og hlutverk nemenda [eða nemendur velja sjálfir]
útbúa 'beitu' [hook] eða 'kveikju' til að tengja nemendur við vandamálið eða gera það spennandi í þeirra augum [aðili sem tengist málinu kemur í heimsókn í kennslustundina hjá þér og biður nemendur um aðstoð til að leysa visst vandamál fyrir sig]
búa til yfirlit yfir fyrirséð vandamál sem upp koma í vinnuferlinu
skrá niður hvernig á að standa að verkskilum og hvernig námsmati verður háttað
útbúa 'vandamálsáætlun' [problem plan] yfir þá þætti lausnaleitarnáms sem henta þeim tímaramma sem verkefninu er gefinn
finna undirstöðuupplýsingar á Netinu; í bókum og með því að hafa samband við fólk sem nemendur geta síðan haft samband við þegar þar að kemur

_________
Heimildir:
© Sage, Sara (2002). Dreifirit á námskeiði Sage á ráðstefnunni PBL 2002 - A Pathway To Better Learning í Baltimore [þýtt og staðfært af ÞÓ með góðfúslegu leyfi höfundar]

Upp