Þú ert hér

[Metacognition]	[Learning to learn]

Í þekkingu á eigin hugsun felst að við getum fylgst með hugsun okkar og stýrt henni og þannig beint henni að þeim atriðum og þáttum sem skipta máli við lausn einhverra verkefna (Guðmundur B. Arnkelsson, 2000).

Þekking á eigin hugsun [Metacognition] skiptist í þrjá megin þætti:

• Fyrst þarf að semja áætlun um hvað gera skuli

• Síðan þarf að endurskoða/yfirfara áætlunina

• Að lokum þarf að meta áætlunina

Áður en hafist er handa - Þegar áætlunin er samin, er spurt:

• Hvað veit ég fyrir sem getur hjálpað mér við þetta verk?

• Hvert vil ég að hugsanaferlið leiði mig?

• Á hverju á ég að byrja?

• Af hverju er ég að lesa þennan hluta?

• Hvað hef ég langan tíma til að ljúka verkinu?

Á meðan á verkinu stendur - Þegar áætlunin er endurskoðuð, er spurt:

• Hvernig gengur mér?

• Er ég á réttri leið?

• Hvernig á ég að halda áfram?

• Hvaða upplýsingar er mikilvægt að leggja á minnið?

• Ætti ég að snúa mér annað í upplýsingaleitinni?

• Ætti ég að hægja á mér í takt við þær hindranir sem ég hef rekist á?

• Hvað þarf ég að gera ef ég skil ekki?

Að afstöðnu verki - Þegar áætlunin er metin, er spurt:

• Stóð ég mig vel? 

• Bar hugsanaferlið sem ég beitti meiri eða minni árangur en ég bjóst við?

• Hefði ég getað gert eitthvað öðruvísi?

• Hvernig get ég heimfært þetta hugsanaferli yfir á önnur vandamál?

• Verð ég að fara aftur í gegnum ferlið til að fylla upp í þær "eyður" sem hafa komið í  ljós varðandi skilning minn?

_______
Heimildir: 
Guðmundur B. Arnkelsson (2000). Orðgnótt - Orðalisti í almennri sálarfræði. Háskóli Íslands. Háskólaútgáfan. Reykjavík.
Metacognition - North Central Regional Laboratory - þýtt með leyfi NCRL.

Upp

© 2000 Þórunn Óskarsdóttir, M.Ed. Allur réttur áskilinn. Vefstjóri
Síðast uppfært: 03.05.2005